TOShKENT, 1 avg — Sputnik. Jizzax viloyati Zomin tumanidagi o‘rmon yong‘ini o‘chirildi. Bu haqda FVV matbuot xizmati xabar berdi.
Qayd etilishicha, O‘riklisoy qishlog‘iga hududiga yaqin joyda taxminan 80 ga. maydonda quruq o‘t va daraxtlar yongan.
Yong‘inni o‘chirish uchun FVV, IIV, Milliy gvardiya, Mudofaa vazirligi, Chegara qo‘shinlari, Davlat o‘rmon xo‘jaligi qo‘mitasi, 14 ta yong‘in o‘chirish ekipaji va 1 ta yong‘in qutqaruv otradi, 4 ta vertolot jalb etilgan. Ertalab soat 10:40 larda boshlangan yong‘in soat 18:20 batamom o‘chirilgan.
Tegishli idoralarning kuch vositalarining o‘z vaqtidagi harakatlari natijasida yong‘in yaqin atrofdagi aholi punktlariga o‘tmadi, deb qo‘shimcha qilingan xabarda.