TOShKENT, 28-iyul — Sputnik. 2021-yilning yanvar-may oylarida O‘zbekiston va Qozog‘iston orasida savdo aylanmasi miqdori 1,5 mlrd. dollarni tashkil qildi. Bu o‘tgan yilning mos davriga nisbatan 46%ga ko‘p.
Bu haqida O‘zbekiston transport vaziri Ilhom Mahkamovning bosh vazir Askar Mamin bilan uchrashuvi vaqtida ma’lum bo‘ldi, deb xabar qilmoqda Qozog‘iston bosh vaziri matbuot xizmati.
Muzokaralar davomida tomonlar transport-tranzit sohasida ikki tomonlama hamkorlik istiqbollarini, yuk tashish hajmini oshirish masalalarini, avtomobil va temir yo‘l sohalarida birgalikda yirik loyihalar amalga oshirish masalalarini muhokama qilishdi.
“Qozog‘iston va O‘zbekiston o‘zaro transport-logistika potensialini oshirish choralarini ko‘rmoqda. 2021-yilning yanvar-may oylarida o‘zaro savdo hajmi 46%ga oshib 1,5 mlrd. dollarni tashkil qilgan. Bunda Qozog‘istonning O‘zbekistonga eksporti 58,4% ga oshgan.
Shuningdek ikki respublika orasida yuk tashish xizmatlarining barcha turi hajmi oshishi kuzatilayotgani va 2021-yilning 1 kvartalida yuk tashish hajmi o‘tgan yilga nisbatan 233,9 ming dollarga oshgani davlatlar orasida “20 futli ekvivalent” miqdori birinchi yarim yillikda 18%ga oshib 1,3 mln tonnani tashkil qilgani aytilmoqda.
Undan tashqari O‘zbekiston va Qozog‘iston 29-iyuldan boshlab Aktobe va Nukus orasida aviatsiya qatnovini yo‘lga qo‘yish haqida kelishib olishdi. Doimiy parvozlar haftasiga bir marotaba amalga oshiriladi.
Tadbir so‘ngida tomonlar, shuningdek, "Darbaza — Maxtaaral" temir yo‘l aloqasi hamda “Turkiston – Shimkent — Toshkent” tezurar temiryo‘l magistralini ishga tushirish haqida kelishib olishdi.