TOShKENT, 26-iyul - Sputnik. Kecha yurtimizda 705 nafar kishida koronavirus, 482 nafar kishida pnevmoniya ainqlandi, deb xabar bermoqda Sog‘liqni saqlash vazirligi matbuot xizmati.
2021 yil 25-iyul holatiga ko‘ra, O‘zbekistonda koronavirus infeksiyasi qayd etilganlar soni 124 995 (+705) nafarni tashkil etmoqda.
Yangi kasallanish holatlari eng ko‘p aniqlangan hududlar beshligi quyidagicha: Toshkent shahrida - 96 nafar, Toshkent viloyatida - 80 nafar, Qoraqalpog‘iston Respublikasida - 71 nafar, Samarqand viloyatida - 69 nafar, Farg‘ona viloyatida - 64 nafar.
Bundan tashqari, kecha kun davomida 482 nafar kishida pnevmoniya aniqlandi.
Kasallikdan sog‘ayganlar jami 119 449 (+811) nafarga yetgan va sog‘ayish ko‘rsatkichi 95 foizni tashkil etmoqda.
Shuningdek, 7 nafar koronavirusga chalingan bemor vafot etib, kasallikdan vafot etganlar soni 839 nafarni tashkil qildi.