TOShKENT, 22-iyul — Sputnik. Afg‘oniston borasida Rossiya O‘zbekiston bilan faol muloqotda bo‘lib turibdi va kera bo‘lganda yordam berishga tayyor, dedi Rossiya tashqi ishlar vaziri o‘rinbosari Andrey Rudenko.
Uning so‘zlariga ko‘ra Afg‘oniston ichidagi vaziyat qo‘shnilarni ham xavotirga solmasdan qo‘ymaydi. Ushbu vaziyat Markaziy Osiyo davlatlariga qanday ta’sir qilishi mumkin?
"Shu sababli ham biz o‘zbekistonlik hamkasabalarimiz bilan doimiy aloqada bo‘lib turibmiz. Afg‘oniston bilan chegaradosh bo‘lgan O‘zbekiston bizning ittifoqchi va strategik hamkorimizdir. Vaziyat taqozo etganda va O‘zbekiston rahbariyatining murojaatiga asosan, biz do‘stlarimizga yordam ko‘rsatishga tayyormiz”, - dedi Rudenko.
Afg‘onsitonda vaziyat xavotirli bo‘lib qolmoqda. AQSh qo‘shinlari olib chiqilganidan so‘ng Tolibon* qishloq hududlarda ko‘p joylarni egallab oldi va yirik shaharlarga hujum boshladi.
Rossiya TIVi xabariga ko‘ra, Tolibon Tojikiston bilan chegarani deyarli egallab olgan. Ushbu munosabat bilan Rossiya chegarani mustahkamlash borasida o‘z yordamini taklif qilgan. Hamkorlik ham ikki tomonlama ham KXShT doirasida amalga oshirilmoqda.
“Ayni damda tojik-afg‘on chegarasida Rossiya tomonidan beg‘araz ravishda chegara zastavasi qurilishi to‘g‘risida shartnoma imzolanmoqda”, - dedi Rudenko.
Rossiya TIV bayonotida Tojikistonga qarshi zo‘ravonlikka yo‘l qo‘ymaslik uchun barcha choralarni ko‘rishishni ma’lum qildi.
Eslatib o‘tamiz, so‘nggi oy davomida Tojikistondagi Rossiya 201 harbiy bazasi askarlari hamda Rossiya-O‘zbekiston maxsus bo‘linmalari ishtirokida bir necha o‘quv-mashqlari bo‘lib o‘tdi.
* — Rossiya va boshqa davlatlarda ta’qiqlangan terrorchi tashkilot