TOShKENT, 15-iyul — Sputnik. RF TIVning rasmiy vakili Mariya Zaxarova o‘zbek matolaridan pardalar tiktirishni rejalashtirayotganini ma’lum qildi.
"O‘zbekiston va uning mashhur matolari. Ota-onamning dachasidagi “O‘rta Osiyo" xonasi uchun pardalar tiktirmoqchiman.
Diplomat o‘z postida oilasi va urf-odatlari haqida bir oz yozdi.
“Ota-onam turli davlatlardan so‘zana va boshqa kashtachilik buyumlarini olib kelishgan. Pardalar ham bor edi. Ammo pardalar quyosh va vaqtdan sitilib ketdi.
Rossiya TIV rasmiy vakili ta’tilda bu rejasini amalga oshirishini ma’lum qildi.
2018 yilda diplomat Sputnik O‘zbekiston muxbiriga bergan intervyusida o‘zbek matolaridan g‘oyat zavqlanishini aytgandi.
“O‘zbekistondan ota-onam tez-tez so‘zana, milliy taqinchoqlar, ko‘ylaklar olib kelishardi. Qaysidir payt bu shunchalik ko‘payib kettiki, biz dachada bir xonani to‘liq O‘rta Osiyo uslubidagi tashkil qildik. Menga hamisha bunaqangi buyumlar faqat serquyosh mamlakatda paydo bo‘lishi mumkin deb tuyulardi – shu qadar ranglari yorqinki”, - deya e’tirof qilgandi Zaxarova.
Zaxarova o‘sha safaridan uyi uchun sharqona uslubda yangi parda tikishi uchun o‘zbek matosini olib ketmoqchi edi.