TOShKENT, 15-iyul — Sputnik. Jahon musulmon sayohati indeksi xalqaro reytingida O‘zbekiston 16-o‘rinni egalladi va eng jadal ko‘tarilgan mamlakat sifatida alohida e’tirof etildi.
Reyting MasterCard va CrescentRating tashkilotlari tomonidan har e’lon qilinadi..
“O‘zbekistonning bu yilgi hisobotda jadal ko‘tarilishiga mamlakatimizning Islom dini bilan bog‘liq boy merosini o‘rganish va xalqaro miqyosda ommalashtirishga qaratilgan qator loyihalari asosiy sabab ekanligi ko‘rsatildi”, - deyilgan xabarda.
O‘zbekiston ushbu reytingda 2018-yilda 32-o‘rin, 2019-yilda 22-o‘rinni egallagan edi.