TOShKENT, 9-iyul — Sputnik. Rossiya TIV rahbari Sergey Lavrov Toshkentda 15-16 iyul kunlari bo‘lib o‘tadigan “Markaziy va Janubiy Osiyo: mintaqaviy bog‘liqlik. Tahdidlar va imkoniyatlar” anjumanida ishtirok etadi.
Anjumanda O‘zbekiston prezidenti, Afg‘oniston prezidenti, Pokiston bosh vaziri, Markaziy va Janubiy Osiyo mamlakatlari, boshqa xorijiy davlatlarning tashqi ishlar vazirlari va yuqori darajadagi vakillari, nufuzli xalqaro va mintaqaviy tashkilotlar, global moliyaviy institut va kompaniyalar, yetakchi ilmiy-tadqiqot va tahliliy markazlarning rahbarlari ishtirok etishi rejalashtirilgan.
Shuningdek, 16-iyul kuni Rossiya, O‘zbekiston, Tojikiston, Turkmaniston, Qirg‘iziston va Qozog‘iston tashqi ishlar vazirlari Toshkentda mintaqadagi xavfsizlik, Afg‘onistondagi vaziyat va Markaziy Osiyoda narkotik moddalar savdosi va terrorizmga qarshi kurash masalalarini muhokama qilishlari kutilmoqda.