TOShKENT, 7-iyul — Sputnik. Bir qator davlat organlarida boshqaruv tarkibida o‘zgarishlar yuz berdi. Telegram’dagi "Nigoh" kanali xabariga asosan.
Kamola Oqilova madaniyat vazirining o‘rinbosari – Madaniy meros departamenti boshlig‘i lavozimidan;
Akmal Mirzayev transport vazirining o‘ribosari lavozimidan;
Shamsiddin Alimov Davlat geologiya va mineral resurslar qo‘mitasi raisining o‘rinbosari lavozimiga tayinlandi va shu munosabat bilan Davlat geologiya va mineral resurslar qo‘mitasi raisining birinchi o‘rinbosari lavozimidan;
Nuritdin Muratov va Nodir Muhitdinov Davlat geologiya va mineral resurslar qo‘mitasi raisining o‘rinbosarlari lavozimidan;
Dilshod Xolmurodov Davlat statistika qo‘mitasi raisining birinchi o‘rinbosari lavozimidan;
Mahmudjon Ziyodullayev Davlat statistika qo‘mitasi raisining o‘rinbosari lavozimidan;
Olim Hakimov O‘rmon xo‘jaligi davlat qo‘mitasi raisining birinchi o‘rinbosari lavozimidan;
Abdushukur Hamzayev o‘rmon xo‘jaligi davlat qo‘mitasi raisining o‘rinbosari – O‘rmon xo‘jaligi ilmiy izlanish instituti direktori lavozimidan ozod etilgan.
Shuningdek, Baxtiyor Atamuradov "O‘zbekchorvanasl" agentligi direktori lavozimiga tayinlangan va shu munosabat bilan Veterinariya va chorvachilikni rivojlantirish davlat qo‘mitasi raisining o‘rinbosari – "O‘zbekchorvanasl" agentligi direktori lavozimidan ozod etilgan.
Bundan tashqari, Fazliddin Umarov Davlat soliq qo‘mitasi huzuridagi Kadastr agentligi direktori lavozimiga tayinlangan va shu munosabat bilan DSQ raisining birinchi o‘rinbosari – DSQ huzuridagi Kadastr agentligi direktori lavozimidan ozod etilgan.
Bahodir Yusupaliyev esa Sanitariya-epidemiologik osoyishtalik va jamoat salomatligi xizmati boshlig‘i lavozimiga tayinlangani munosabati bilan sog‘liqni saqlash vazirining o‘rinbosari – Sanitariya-epidemiologik osoyishtalik va jamoat salomatligi xizmati boshlig‘i lavozimidan ozod etildi.