TOShKENT, 4-iyul — Sputnik. O‘zbekiston, Qirg‘iziston va Tojikiston delegatsiyalari chegara masalalari bo‘yicha uchrashuv o‘tkazdi. Bu haqda Qirg‘iziston vazirlar mahkamasi matbuot xizmati xabar berdi.
Uchrashuv Farg‘ona viloyatida bo‘lib o‘tdi. Tomonlar muzokaralar davomida uch mamlakat davlat chegaralarining tutashuv nuqtalari joylashishi bo‘yicha takliflar bilan almashdi.
Boshqa tafsilotlar ochiqlanmagan.
Tadbir yakuniga ko‘ra tegishli bayonnoma imzolandi. Hukumat delegatsiyalarining navbatdagi uchrashuvi Qirg‘izistonda bo‘lib o‘tadi.