TOShKENT, 21-iyun — Sputnik. Livan poytaxti Bayrut shahrida taekvondo bo‘yicha “ Beirut Open” xalqaro turniri bo‘lib o‘tdi. Unda dayanga chiqqan o‘zbekistonlik taekvondochilar jamoaga 10 ta medalni taqdim etdi.
Charos Qayumova (-53 kg) va Feruza Sodiqova (-62 kg), Madinabonu Mannopova (-49 kg), Ozoda Sobirjonova (-57 kg) va Nikita Rafalovich (-80 kg) Bayrut ochiq chempionatida shohsupaning eng yuqori pog‘onasiga ko‘tarildi.
Jasur Jaysunov (-74 kg) va Shohsanam A’zamova (-46 kg) kumush medalga sazovor bo‘lgan bo‘lsa, Shohruh Rajabov (+80 kg), Gulsanam Alijonova (-67 kg) va Sardor Toirov (-68 kg) bronza medali bilan taqdirlanishdi.
“Quvonarlisi, 5 ta oltin, 2 ta kumush va 3 ta bronza medali bilan musobaqani umumjamoa hisobida birinchi o‘rinda yakunladik”, - deyilgan Milliy olimpiya qo‘mitasi xabarida.
O‘zbekiston delegatsi 21-iyundan 22-iyunga o‘tar kechasi Toshkentga qaytib keladi.