TOShKENT, 16-iyun — Sputnik. Moskva bosh sanitar vrachi Yelena Andreyeva ishlovchi aholining 60 foizini koronavirusga qarshi emlashni majburiy etib belgiladi. Tegishli qaror Rospotrebnadzor saytida chop qilingan.
Qarorda aniqlik kiritilishicha, majburiy emlanish savdo-sotiq, xizmat ko‘rsatish, umumiy ovqatlanish, uy-joy kommunal, ta’lim, transport, sog‘liqni saqlash, ijtimoiy himoya hamda go‘zallik saloni, fitnes-klub, teatr, kinoteatr, konsert zallari va boshqa sohalarda ishlovchi xodimlarga taalluqli.
O‘z navbatida, shahar meri Sergey Sobanin 2021-yil 1-iyulga qadar zaruriy axborot tizimi yaratilishini ma’lum qildi. Tizim emlanish jarayonida erishilgan yutuqlarni nazorat qilish imkonini beradi.
Eslatib o‘tamiz, so‘nggi kunlarda Moskvada epidemiologik keskin yomonlashdi. Shu bois hukumat qator cheklovlarni kiritishga majbur bo‘ldi.