TOShKENT, 15-iyun — Sputnik. Illinoys shtatidagi Rokton shahrida Chemtool kimyo zavodida yong‘in sodir bo‘ldi. Hozirda hodisa sodir bo‘lgan joydan aholi va korxona ishchilari evakuatsiya qilinmoqda, deb yozadi RIA Novosti amerikalik OAV ma’lumotlariga asosan.
Ta’kidlanishicha, ertalab zavodda yong‘in boshlandi, sabab hozircha noma’lum.
Olovni suv bilan o‘chirishdan voz kechildi. Yong‘in o‘chirish xizmati boshlig‘i Rokton Kirk Uilsonning so‘zlariga ko‘ra, bu Missisipi darosining irmog‘i bo‘lgan Rok darosiga xavfli suv oqib tushishiga olib kelishi mumkin.
Mahalliy hokimiyat organlari oltingugurt kislotasi, azot va qo‘rg‘oshin kabi kimoviy moddalarning tarqalish xavfidan xavotirda.
Sog‘liqni saqlash departamenti xodimi Sandra Martell fuqarolarga ko‘chada niqob taqishni tavsiya qildi.