TOShKENT, 12-iyun — Sputnik. Buxoro viloyati Jondor tumanida OIV infeksiyasini bila turib, o‘zgaga yuqtirgan ayol aniqlandi. Bu haqda viloyat IIB matbuot xizmati xabar qildi.
Qayd etilishicha, Vobkent tumanida yashovchi 34 yoshli S.D. ismli ayol 2019-yilning may oyidan beri OIV infeksiyasini yuqtirib olgan shaxs sifatida viloyat OITSga qarshi kurashish Markazi tomonidan ro‘yxatga olingan. Ayol bir necha marotaba yozma ravishda kasallikni boshqalarga yuqtirmaslik haqida ogohlantirilgan.
O‘tkazilgan tezkor tadbirda u shunga qaramasdan, Jondor tumani Dalmunobod mahallasidagi xonadonlardan birida fuqaro S.Sh. bilan himoya vositasiz jinsiy aloqada bo‘lgani aniqlangan.
Ayolga nisbatan Jinoyat kodeksining 113-moddasi 4 qismi (Tanosil yoki OIV kasalligi/OITSni tarqatish) bilan jinoyat ishi ochilgan.