TOShKENT, 31-may — Sputnik. Toshkentda mashina urib yuborgan erkak bir necha kun o‘tib kasalxonada vafot etdi. Bu haqda poytaxt Ichki ishlar bosh boshqarmasi (IIBB) xabar qilmoqda.
Yo‘l-transport hodisasi 21-may kuni Yangihayot tumani Binokor ko‘chasida ro‘y bergan. 54 yoshli “Lacetti” avtomobili haydovchisi S.S. tartibga solinmagan piyodalar o‘tish joyidan yo‘lni kesib o‘tmoqchi bo‘lgan piyodani urib yuborgan.
YTH natijasida 55 yoshli piyoda A.B. tan jarohatlari bilan shifoxonaga yotqizilgan. U 27-may kuni tibbiyot xodimlarining sa’y-harakatlariga qaramasdan vafot etgan.
Jinoyat kodeksining 266 moddasi 2 qismi bilan jinoyat ishi qo‘zg‘atilgan. Tergov harakatlari olib borilmoqda.