TOShKENT, 27-may — Sputnik. Toshkent shahrida D.I.Mendeleyev nomidagi Rossiya kimyo-texnologiya universiteti (RKTU) filiali ochildi, deb xabar qilmoqda Sputnik muxbiri.
Bu Rossiya kimyo-texnologiya universitetining xorijdagi ilk filialidir.
Ochilish marosimida O‘zbekiston prezidenti maslahatchisi Abdujabbor Abduvahitov, oliy va o‘rta maxsus ta’lim vaziri Abduqodir Toshqulov, Rossiya prezidentining xorijiy davlatlar bilan mintaqalararo va madaniy aloqalar bo‘yicha boshqarmasi bog‘lig‘ining o‘rinbosari Anton Ribakov, Rossiya ilm-fan va oliy ta’lim vazirining o‘rinbosari Dmitriy Afanasyev, universitet rektori Aleksandr Majuga ishtirok etishdi.
“Rossiya uchun bu voqea mamlakat prezidenti Ilm-fan va texnologiyalar yili deb e’lon qilgan yilda ro‘y bermoqda. Bu ramziy ma’noga ega, chunki RKTU bu g‘oyaga to‘liq javob beradi”, - dedi Afanasyev.
Toshqulov, o‘z navbatida, Rossiya oliygohi tarixi O‘zbekiston bilan chambarchas bog‘liqligini eslatdi. Chunki Ikki jahon urushi paytida 1941-yil kuzida u Qo‘qon shahriga ko‘chirilgan va u yerda 1943-yil bahorigacha faoliyat yuritgandi.
Oliygohning Toshkentdagi filialida o‘quv jarayoni 2019/2020 o‘quv yilidan boshlangan. Filial materialshunoslik, nanomateriallar va nanotizimlar texnologiyalari kabi yo‘nalishlarda mutaxassis va kadrlarni tayyorlaydi. Filial bitiruvchilariga O‘zbekiston Respublikasida oliy ta’lim to‘g‘risidagi hujjat sifatida tan olinadigan belgilangan namunadagi diplom beriladi.