Mamlakatda va chet ellarda yashovchi 18 milliondan ortiq suriyalik fuqarolar prezidentlik saylovlarida ovoz berish huquqiga ega edi.
Suriya prezidenti saylovlari davomat yuqoriligi sabab 5 soatga uzaytirildi.
Suriyaning amaldagi prezidenti Bashar Asad va uning rafiqasi Asma Asad saylovda ovoz berdi.
Davlat rahbari lavozimi uchun amaldagi prezident Bashar Asad, muxolifatchi Mahmud Ahmad Mariy va sobiq vazir Abdulla Sallum Abdulla o‘zaro kurashdi.
Damashqda ovoz berish jarayoni boshlanishi arafasida ommaviy tantanalar, konsertlar bo‘lib o‘tdi.
Suriyada 51 kishi prezidentlik saylovida qatnashish istagini bildirgan edi, ammo atigi uch kishi ro‘yxatdan o‘tishga muvaffaq bo‘ldi.
Suriyada 2014-yildagi saylovda Bashar Asadning qo‘li baland kelgan edi.
Ovoz berish jarayonini turli davlatlardan taklif etilgan ekspertlar kuzatib bordi.
ovoz berish uchun 12 102 ta saylov uchastkalari tashkil etildi. Fuqarolar chet eldagi ham elchixonalarda ovoz berish imkoniga ega bo‘lishdi.