TOShKENT, 27-may — Sputnik. Samarqand viloyati, Pastdarg‘om tumanidan oqib o‘tuvchi kanaldan 17 yoshli qizning jasadi topilganligi holati yuzasidan 2021-yil 27-may kuni Jinoyat kodeksining 103-1-moddasi (O‘zini o‘zi o‘ldirishga undash) bilan jinoyat ishi qo‘zg‘atilib, tergov olib borish uchun Pastdarg‘om tumani IIB Tergov bo‘limiga yuborildi, deb xabar qildi Bosh prokuratura matbuot xizmat.
18 may kuni Bosh prokuratura matbuot xizmati Pastdarg‘om tumani prokuraturasi tomonidan tergovga qadar tekshiruv harakatlari olib borilayotgani haqida xabar bergandi. Tergovga qadar tekshiruv hujjatlari Samarqand viloyati prokuraturasi tomonidan o‘rganilib, amalga oshirilishi lozim bo‘lgan harakatlar yuzasidan yozma ko‘rsatma berilgandi.
Shu bilan birga, 17-may kuni Bosh prokuratura mas’ul xodimlari tomonidan marhumaning otasi va ukasi qabul qilinib, tergovga qadar tekshiruv harakatlarining borishi yuzasidan tushuntirish berilgan.