TOShKENT, 16-may — Sputnik. Namagan viloyatidagi yo‘l-transport hodisasi oqibatida bir kishi qurbon bo‘ldi. Bu haqda viloyat IIB axborot xizmati xabar berdi.
YTH 11-may kuni 09:30 larda Chortoq-Yangiqo‘rg‘on yo‘lining 22 km.da Gulshan MFY hududida ro‘y bergan. “Neksiya”ni ishonchnoma asosida boshqargan chortoqlik 33 yoshli fuqaro harakat xavfsizligini ta’minlay olmagan.Natijada yo‘lning o‘ng chetiga chiqib ketib, olma daraxtiga urilgan.
Haydovchi va mashinada yo‘lovchi bo‘lgan 38 yoshli ayol turli jarohatlar bilan shifoxonaga yotqizilgan. Biroq ayol muolajalarga qaramasdan vafot etgan.
Holat yuzasidan JKning 266-moddasi 2-qismi (Odam o‘lishiga sabab bo‘lgan transport vositalari harakati yoki ulardan foydalanish xavfsizligi qoidalarini buzish) bilan jinoyat ishi ochilgan.