TOShKENT, 13-may - Sputnik. Rossiya prezidenti Vladimir Putin Rossiyaga qo‘shni bo‘lgan davlatlarda rus tilini o‘rganishni qo‘llab-quvvatlashga lozim e’tibor qaratishga chaqirdi, nega deganda "bugun amalga oshirilayotgani aniq yetarli emas".
"Bizning oliygohlarimizda qo‘shni davlatlardan bo‘lgan iqtidorli yoshlarga o‘qish imkoniyatining taqdim etilishi: MDH bo‘yicha sheriklarimiz bilan birgalikdagi hamkorligimizning juda muhim qismidir. Ammo, shunday bo‘lsa-da, bu davlatlarda rus tilini rivojlantirishga, rus tilini o‘rganishga yetarlicha qo‘llab-quvvatlash ishlariga lozim e’tibor qaratmog‘imiz kerak", - dedi Putin payshanba kuni RF hukumati bilan o‘tkazgan yig‘ilishida.
Putin maorif vaziri Sergey Kravsovdan bu sohada qo‘shimcha takliflarni taqdim etishni so‘radi.
"Nega deganda, bugun amalga oshirilayotgan ishlar, ko‘rinib turibdi-ki, yetarli emas. Ha, biz bu yo‘nalishda ishlayapmiz, ammo, yana bir bor takrorlayman, bugun amalga oshirayotganimizdan ko‘ra ko‘proq qilish mumkin va lozim", - dedi Putin.