TOShKENT, 12-may - Sputnik. Kecha O‘zbekistonda 395 nafar kishida koronavirus aniqlanib, 2 nafar bemor vafot etdi, deb xabar bermoqda Sog‘liqni saqlash vazirligi matbuot xizmati.
2021 yil 11-may holatiga ko‘ra, O‘zbekistonda koronavirus infeksiyasi qayd etilganlar soni 95467 (+395) nafarni tashkil etmoqda.
Yangi kasallanish holatlarining eng ko‘pi (216 nafari) Toshkent shahrida koronavirusga chalingan bemorlar bilan muloqotda bo‘lganligi sababli namuna olingan fuqarolar orasida aniqlangan.
️Kecha kun davomida 312 bemor sog‘ayib, sog‘ayish ko‘rsatkichi 95 foiz (90976 kishini) tashkil etmoqda.
️Shuningdek, 2 nafar koronavirusga chalingan bemor vafot etib, kasallikdan vafot etganlar soni 666 nafarni tashkil qildi.
️Ayni paytda tibbiyot muassasalarida 3825 nafar bemor davolanmoqda.