TOShKENT, 12-may - Sputnik. Hindiston hukumati vafot etgan insonlar jasadlarini Ganga darosiga uloqtirishni zudlik bilan to‘xtatishni talab qilmoqda, deya xabar qildi Hindistonning suv resurslarini boshqarish bo‘yicha vazirligi rahbari Gajendra Singx Shekxavat.
""Biz Gang darosiga jasadlarni ko‘mish muammosiga jiddiy yondashdik va uni taqiqlash choralarini ko‘rdik. Hindiston hukumati Gangni tozalash bo‘yicha milliy missiyasi va tuman ma’muriyati orqali barcha noma’lum jasadlarni protokol bo‘yicha utilizatsiya qilish choralarini ta’minlab beradi", - dedi u.
Ilgariroq, Hindistonning Bixar shtati aholisi Ganga darosida 100ga yaqin odamlarning jasadlari qoldiqlarini aniqlashgani haqida xabarlar tarqalgan edi. Taxminlarga ko‘ra, bu koronavirusdan vafot etganlar jasadlari bo‘lishi mumkin.
Shu bilan bir vaqtning o‘zida shtat ma’muriyati 71 kishi jasadlarini tutib olganligi haqida xabar bergan, shtat politsiyasi hodisa bo‘yicha o‘rganish ishlarini boshlagan.
Mahalliy aholining fikricha, Ganga darosiga jasadlarning uloqtirilishi krematsiyalash bahosi o‘ta yuqoriligi yoki butun Hindiston bo‘ylab rekord ko‘rsatkichda avj olgan koronavirus kasalligi fonida dafn gulxanlarining mustaqil tashkil etilayotgani bilan bog‘liq bo‘lishi mumkin.
Hindiston koronavirus infeksiyasi qayd etilganligi holati bo‘yicha jahonda ikkinchi o‘rinda kelmoqda. Sog‘liqni saqlash vazirligi ma’lumotlariga ko‘ra, koronavirus infeksiyasini yuqtirganlar soni mamlakatda 22,6 milliondan oshib ketgan.