TOShKENT, 7-may - Sputnik. O‘zbekistonda bugundan "Sputnik V" vaksinasi regionlarga yetkazib berilishi jarayoniga start beriladi. Bu haqda Sputnik muxbiriga Sanitariya-epidemiologik osoyishtalik va jamoat salomatligi xizmati matbuot-xizmati vakili ma’lum qildi.
Eslatib o‘tamiz, bugungi kunda O‘zbekistonga 3ta vaksina kirib kelgan bo‘lsa, uchala vaksina, shu jumladan "Sputnik V" vaksinasi ham birinchi navbatda 65 yoshdan yuqori bo‘lgan va tibbiyot muassasalari xodimlari emlanishi uchun mo‘ljallangan.
O‘zbekistonda aholini 1-apreldan koronavirusga qarshi emlash jarayoni boshlangan.
Shu kungacha, O‘zbekistonga 660 ming doza AstraZeneka, 2 mln doza o‘zbek-xitoy vaksinasi hamda 100 ming doza Sputnik vaksinalari olib kelgan. Shu kunga qadar jami 1 million 46 ming dozadan ortiq vaksina qo‘llanildi, emlangan fuqarolar soni 1 million nafardan oshgan.
Sog‘liqni saqlash vazirligi xabariga ko‘ra, shu kunga qadar O‘zbekistonda vaksina olgan fuqarolar orasida o‘lim holatlari qayd etilmagan.