TOShKENT, 4-may — Sputnik. Toshkent shahri Mirzo Ulug‘bek tumanida yo‘l-transport hodisasi sodir bo‘ldi. Bu haqda IIV YHXBB axborot xizmati xabar qilmoqda.
YTH 2 may kuni soat 00:20 larda TXAY ko‘chalari chorrahasida ro‘y bergan. 29 yoshli “Neksiya” haydovchisi O.Z. chapga qayrilayotgan vaqtida qarama-qarshi yo‘nalishdan kelayotgan “Kaptiva” rusumli avtomobilni o‘tkazib yubormay YTH sodir etgan.
Natijada mast bo‘lgan 21 yoshli “Kaptiva” haydovchisi Sh.U. boshqaruvni yo‘qotib, ag‘darilib ketgan. Keyin yo‘l chetida to‘xtab turgan “Moskvich-412” bilan to‘qnashgan.
“Moskvich-412” haydovchisi Sh.M. olgan tan jarohatlari tufayli hodisa joyida vafot etgan.
“Neksiya” haydovchisi, “Kaptiva” haydovchisi va yo‘lovchilari A.U. (21 yosh) va R.N.ga (20 yosh) tez tibbiy yordam ko‘rsatilgan.
Toshkent shahar IIBB YHXB hodisa yuzasidan surishtiruv olib bormoqda.