TOShKENT, 19 apr — Sputnik. Shu hafta mobaynida prezident Shavkat Mirziyoyev Rossiyaning yangi elchisi Oleg Malginovdan ishonch yorlig‘ini qabul qiladi. Bu haqda prezident matbuot kotibi Sherzod Asadov brifing davomida ma’lum qildi, deb xabar qilmoqda Sputnik muxbiri.
Asadovning ma’lum qilishicha, bundan tashqari prezident Bangladesh, Chexiya, Misr, Iordaniya, Turkiya, Yevropa Ittifoqining yangi elchilaridan ham ishonch yorliqlarini qabul qiladi.
Eslatib o‘tamiz, avvalroq tashqi ishlar vaziri Abdulaziz Kamilov Rossiyaning favqulodda va muxtor elchisi etib tayinlangan Oleg Malginovdan ishonch yorliqlari nusxasini qabul qilib olgan edi.
Oleg Malginov joriy yil 5-mart kuni Rossiyaning O‘zbekistondagi yangi elchisi etib tayinlangan.