TOShKENT, 12 apr — Sputnik. O‘zbekiston tashqi ishlar vaziri Abdulaziz Kamilov Rossiyaning favqulodda va muxtor elchisi etib tayinlangan Oleg Malginovni qabul qildi. Bu haqda TIV matbuot xizmati xabar qildi.
Kamilov Rossiyaning yangi elchisidan ishonch yorliqlari nusxasini qabul qilib oldi va O‘zbekistondagi faoliyat boshlanishi bilan tabrikladi.
Uchrashuv davomida tomonlar O‘zbekiston-Rossiya strategik sheriklik munosabatlarining hozirgi holati va rivojlanish istiqbollari, shuningdek, xalqaro tashkilotlar doirasidagi hamkorlik masalalarini muhokama qildi.
Ta’kidlanishicha, oliy va yuqori darajada bo‘lajak tadbirlar jadvali va kun tartibi ko‘rib chiqilgan. Shuningdek, mintaqaviy va xalqaro masalalar yuzasidan ham fikr almashilgan.
Eslatib o‘tamiz, 5-mart kuni Rossiya prezidenti Vladimir Putin farmoniga muvofiq, Oleg Malginov mamlakatning O‘zbekistondagi yangi elchisi etib tayinlangan edi.