TOShKENT, 10 apr — Sputnik. Dunyoda koronavirusga qarshi emlanganlar ulushi besh foizga yaqinni tashkil qilmoqda, ammo vaksinalarning kattagina qismini boy davlatlar olgan, deb xabar qildi Bloomberg.
Agentlik ma’lumotiga ko‘ra, emlash ishlarining umumiy miqdoridan 40%i 27ta o‘ziga to‘q davlatlarda amalga oshirilgan. Bu davlatlar umumiy aholisi dunyo ahlining 11 foizini tashkil etadi.
Shu bilan birga, qashshoq davlatlarda vaksina olish ko‘rsatkichi umumiy miqdordan 1,6%ni tashkil qiladi.
Shu tarzda, qashshoq mamlakatlar aholisi 25-marta sekinroq emlanmoqda.
Amerika Qo‘shma Shtatlarida emlash ishlari emlanish ko‘rsatkichining 24 foizini tashkil qilgan, Shtatlarda Yer aholisining 4,3 foizi istiqomat qiladi.
Masalan, Pokistonda o‘z navbatida insoniyatning 2,7% yashaydi. Ammo u yerda vaksinalash ulushi jahondagi ko‘rsatkich bilan solishtirganda atigi 0,1% ni tashkil etmoqda. Boy davlatlarda barcha fuqarolarni bir necha marta emlashga yetadigan miqdorda vaksinalarni sotib olish tendensiyasi saqlanib qolmoqda, deya aniqlik kiritadi agentlik.
Afrika eng kambag‘al mintaqa bo‘lgani holda, u yerda COVID-19ga qarshi emlanish ko‘rsatkichi eng pastdir. 54ta davlatdan faqat uchtasida 1%dan ko‘p aholi emlangan, 20ta davlatda esa koronavirusga qarshi vaksinalash kampaniyalari hali boshlanmagan.