TOShKENT, 5 apr - Sputnik. Toshkentda "Innoprom-2021" - "Rossiya-O‘zbekiston" katta sanoat haftaligi ish boshladi.
Rossiya sanoat va savdo vazirligi hamda O‘zbekiston investitsiyalar va tashqi savdo vazirligi tomonidan tashkil qilingan ushbu ko‘rgazmada 300 dan ortiq kompaniya va biznes delegatsiyalar ishtirok etadi. Ko‘rgazma maydoni 12,5 ming m2ni tashkil qiladi.
Asosan mashinasozlik, metallurgiya, energetika, kimyo va farmatsevtika sanoatlari taqdim etilgan ko‘rgazma dasturidan 200dan ortiq uchrashuvlar va 15ta biznes tadbir o‘rin olgan.
"Innoprom-2021"ning asosiy maqsadi - Markaziy Osiyo davlatlari bilan hamkorlikini rivojlantirish, sanoatni rivjlantirishning yangi nuqtalarini topish, biznes munosabatlarni mustahkamlashdir, - deyilgan rasmiy ma’lumotda.
"Innoprom-2021" - xalqaro sanoat ko‘rgazmasida Rossiya va O‘zbekistondan tashqari Fransiya, Germaniya, Chexiya, Yaponiya, Belarus, Qozog‘iston, Qirg‘iziston va Armanistonning sanoat korxonalari va biznes-delegatsiyalari ishtirok etadi.