Roppa-rosa bir yil avval, 15-mart kuni O‘zbekistonda koronavirusga chalingan ilk bemor aniqlangan edi. Bu haqda Sog‘liqni saqlash vazirligi huzuridagi Sanitariya-epidemiologik osoyishtalik agentligi direktori Bahrom Almatov rasman ma’lum qilgan edi.
16 martdan boshlab mamlakatda karantin joriy etildi. Maktablar, bog‘chalar va oliygohlar yopildi. Ko‘chalar bo‘shab qoldi.
Chegaralar yopildi. Hukumat avia, temir yo‘l aloqalarni uzib qo‘ydi. Fuqarolarga mamlakatni tark etish taqiqlandi. Shu bilan birga xorijda qolib ketgan fuqarolarni qaytarish bo‘yicha choralar ko‘rildi.
Mintaqalararo harakat vaqtincha to‘xtatildi. Kirish joylarda blokpostlar o‘rnatildi.
Maxsus stikerga ega haydovchilar harakatlanishi mumkin edi, xolos.
Niqob taqish yurib majburiy bo‘ldi. Niqobsizlar kattagina jarima tortila boshlandi. Bu hozir ham amalda.
Bozor va boshqa joylarga kirishda har bir kishining tana harorati o‘lchandi.
Bozorlar, muassasalar, ko‘chalar, transport vositalari muntazam dezinfeksiya qilindi.
Yopilgan chegaralar migrantlarga katta qiyinchilik tug‘dirdi. Ularni vatanga qaytarish uchun charter reyslar amalga oshirildi. Birinchi navbatda, qariyalar, ayollar va bolalar olib ketildi.
Yangi infeksiya kasalxonalari qad rostlay boshladi.
Toshkent viloyati O‘rtasaroy tumanida xorijdan kelgan fuqarolar uchun karantin zona tashkil qilindi. Fuqarolar vatanga qaytganda majburiy ikki haftalik karantindan o‘tishlari zarur
Toshkentning "O‘zekspomarkaz" ko‘rgazmalar markazida Xayriya ishlarini yagona muvofiqlashtiruvchi markaz faoliyati yo‘lga qo‘yildi.
Ko‘ngilli yoshlardan iborat operatorlar 1197 qisqa raqami orqali yordamga muhtoj shaxslar, yordam berishda o‘z hissasini qo‘shmoqchi bo‘lgan ko‘ngillilar va xayriya qilishni istovchi fuqarolar ma’lumotlarini qabul qilishni boshladi.
Xonanda Sevara Nazarxon xayriya markazida volontorlik qildi.
Koronavirusdan tuzalgan soni aniqlanayotgan holatlar orta boshladi.
O‘zbekistonga rossiyalik shifokorlar yordamga keldi.
Karantin choralari yengillashtirilib, qator tashkilotlar ishiga ruxsat berildi.
Roppa-rosa bir yil o‘tib 2021-yil 15-mart kuni poytaxtdagi bog‘chalardan biri karantinga yopildi. 16-mart kunidan boshlab, Mirzo Ulug‘bek, Chilonzor va Yunusobod tumanlaridagi barcha umumta’lim maktablarini bir martalik karantin muddatiga (14 kun) onlayn o‘qitishga o‘tkazildi.
Koronavirusni jilovlash va yengishga ommaviy emlash yordam beradi. Hukumat emlashni mart oyidan boshlamoqchi. Aholini emlashda Rossiyaning "Sputnik V" vaksinasidan ham foydalaniladi.
“Sputnik V” vaksinasi namunalarini O‘zbekistonga dekabr oyida xizmat safari bilan bo‘lgan Rossiya sanoat va savdo vaziri Denis Manturov shaxsan olib kelgan edi.
2021 yil 15-mart holatiga ko‘ra, O‘zbekistonda jami 80 743 kishi kovid bilan kasallangan. Shulardan 79 371 tuzalib ketgan. 622 kishi esa virus qurboniga aylangan.