TOShKENT, 25 fev — Sputnik. Kollektiv xavfsizlik shartnomasi tashkiloti qo‘shma shtabi boshlig‘i, general-polkovnik Anatoliy Sidorov Tojikiston Mudofaa vazirligida bo‘lib o‘tgan KXShT videokonferensiyasida mintaqaviy xavfsizlikka asosiy tahdidlarni sanab o‘tdi.
Afg‘oniston hududida radikal islomiy va terroristik guruhlarning borligi avvalgidek xavotir o‘yg‘otmoqda. “Tolibon”* islomiy harakati Afg‘oniston hududida eng ko‘p sonli guruh hisoblanadi.
Hozir uning safida 70 mingdan ortiq jangari mavjud. Ekstremistlar katta hududlarni nazorat qilib, shimoliy, janubiy va janubi-sharqiy viloyatlarda faollik ko‘rsatmoqda.
"Tojikiston va Turkmaniston bilan chegaradosh mintaqalardagi otradlarning umumiy soni 15 ming kishini tashkil etadi", - deydi KXShT qo‘shma shtabi rahbari.
Mintaqa xavfsizligiga yana bir tahdid - bu "Islom davlati" xalqaro terrorchilik uyushmasining “Viloyat Xuroson”* guruhi Afg‘onistondagi pozitsiyalarini mustahkamlamoqda. Bugungi kunda jangarilar soni 4 ming kishini tashkil qiladi.
"Ular Markaziy Osiyo davlatlarini kelgusi ekspansiyasi uchun plasdarm yaratish maqsadida Tojikiston va Pokiston bilan chegaradosh hududlar ustidan nazorat o‘rnatishga intilmoqda", - deb xulosa qildi general-polkovnik.
* Rossiyada taqiqlangan terrorchilik tashkilot.