TOShKENT, 16 fev — Sputnik. 2020 yilda O‘zbekiston qiymati 1 mlrd dollarga teng bo‘lgan 1,5 mln tonna meva va sabzavotlar eksport qildi. Bundan Davlat statistika qo‘mitasi ma’lumotlari darak bermoqda.
O‘zbekiston meva va sabzavotlarni eng ko‘p eksport qilgan davlatlar orasida Rossiya 255,4 million dollar bilan birinchi o‘rinda. Qozog‘iston (251,4 mln dollar), Qirg‘iziston (181,1 mln dollar) keyingi asosiy xaridorlar bo‘lgan.
Shuningdek, o‘zbek meva-sabzavotlari Pokiston (75,5 mln $), Xitoy (70,1 mln $), Afg‘oniston (49,4 mln $), Turkiya (19,4 mln $), Germaniya (6,3 mln $), BAA (4,6 mln $) kabi davlatlarga eksport qilingan.
2020 yilda Toshkent viloyati (347,8 ming tonna), Farg‘ona viloyati (207,2 ming tonna), Samarqand viloyati (144,4 ming tonna) xorijga eng ko‘p meva va sabzavotlar eksport qilgan hududlar bo‘lgan.