TOShKENT, 16 fev — Sputnik. O‘rmonda daraxt ortida turgan bug‘uning surati ijtimoiy tarmoqlarda “virus” tezligida tarqaldi. Suratda jonivorning faqat boshi ko‘ringan.
Foydalanuvchilar “bug‘uning tanasi qanday qilibkichik daraxt orqasida ko‘rinmay qoldi” deya hayron qolishmoqda.
The Dodo yangiliklar portali yozishicha, g‘ayrioddiy suratning muallifi -Xantington (Indiana, AQSh) shahrida istiqomat qiluvchi Jenni Makmillan. Ayol o‘rmon yaqinida yashaydi, oqdumli bug‘ular yegulik izlab tez-tez bu hududga "mehmonga" keladi.
Surat ijtimoiy tarmoqlarga tushgach, bir necha kun ichida tez tarqalib ketdi.
Odamlar o‘z izohlarida, bug‘uning tanasi qayerga g‘oyib bo‘lgani yuzasidan turli taxminlarni bildirishmoqda.
Eslatib o‘tamiz, o‘tgan haftada yangi optik illyuziya internet foydalanuvchilarining e’tiborini tortgandi. O‘rmonda tasvirga olingan surat qizg‘in muhokamaga sabab bo‘lgandi.