TOShKENT, 4 fev — Sputnik. Buxoro shahridagi yangi qurilgan uylarning birida gaz balloni portladi.
Favqulodda vaziyatlar vazirligi xabariga ko‘ra, portlash bugun soat 17:50 da shahardagi Islom Karimov ko‘chasida joylashgan qurilayotgan sakkiz qavatli binoda sodir bo‘lgan.
Dastlabki ma’lumotlarga ko‘ra, ko‘p qavatli binoning uchinchi qavatida gaz baloni portlagan. Natijada ikki kishi turli darajadagi tan jarohatlarini olgan. Halok bo‘lganlar haqidagi ma’lumot hozircha kelib tushmagan.
Hozir voqea joyida FVV hududiy boshqarmasi qutqaruvchilari ish olib bormoqda.
Xabarda o‘rganish yakunlari bo‘yicha batafsil axborot berilishi qo‘shimcha qilingan.