TOShKENT, 3 fev — Sputnik. Qirg‘iziston va Rossiya o‘rtasida parvozlarning soni haftasiga oltitaga ko‘paytirildi. Bu haqda Qirg‘iziston Tashqi ishlar vazirligi ma’lum qildi.
Ayni vaqtda Bishkekdan Moskvaga juma kunlari faqat bitta reys amalga oshiriladi.
8 fevraldan boshlab “Avia Traffik Kompan” aviakompaniyasining 3ta va “Aeroflot” aviakompaniyasi 3ta muntazam parvozni yo‘lga qo‘yadi.
Ta’kidlanishicha, aviachiptalarning narxi sezilarli darajada o‘sdi: yaqin bo‘lajak parvozlar uchun chipta 40-50 ming qirg‘iz so‘miga sotilmoqda.
Bugun Rossiya va Armaniston, Ozarbayjon va Qozog‘iston o‘rtasida parvozlarning tiklanishi haqida ma’lum bo‘ldi. Shuningdek, Belarusga yo‘lovchi poyezd qatnovi boshlanadi.