TOShKENT, 1 fev – Sputnik. O‘zbekiston Hukumati mahalliy ishlab chiqaruvchilarni qo‘llab-quvvatlash maqsadida, bir qator xorijiy tovarlar va xorijiy shaxslar tomonidan ko‘rsatiladigan xizmatlarga, davlat xaridlarida ishtirok etishni ta’qiqladi.
Ro‘yxatga xususan quyidagi tur mahsulotlar kiritilgan:
- Oziq-ovqat mahsulotlari (shokolad, pechenye, vafli, kungaboqar moyi, sut va sut mahsulotlari, go‘sht va baliq)
- Farmatsevtika mahsulotlari (dori vositalari va tibbiyot mahsulotlari)
- Maishiy texnika (konditsionerlar, sovutgichlar, kir yuvish mashinalari, televizorlar va monitorlar)
- Transport vositalari (yengil avtomobillar, traktorlarva yuk avtomobillari)
Batafsil ro‘yxat bilan quyida tanishish mumkin.
Ushbu ro‘yxatga xorijiy kompaniyalar tomonidan ishlab chiqarilayotgan jami 529ta tovar va xizmatlar kiritilgan. Davlat tashkilotlari va nizom kapitalida 50%dan ortiq bo‘lgan davlat-xususiy korxonlar ushbu tovar va xizmatlar o‘rniga mahalliy ishlab chiqaruvchi mahsulotini xarid qilishlari kerak bo‘ladi.
Mahalliy mahsulot xarid qilganda muassasalarga import qilinayotgan mahsulot narxidan 15% miqdorida preferensiya beriladi.
Shuningdek, 2021-yilning 1-aprelidan boshlab davlat xaridlari amalga oshirganda ma’lumotlar Moliya vazirligi va Soliq qo‘mitasining maxsus reyestriga kiritiladi.
Undan tashqari 2021-yilning 1-sentabridan boshlab davlat xaridlari yagona portali ishga tushishi rejalashtirilgan.