TOShKENT, 14 yanv — Sputnik. Rossiya hukumati raisining o‘rinbosari Aleksey Overchuk Yevroosiyo iqtisodiy ittifoqi (YeOII) kelajakda O‘zbekiston ittifoqqa qo‘shilishiga umid bildirmoqda.
“O‘zbekistonning ittifoqda a’zolikka nisbatan voqealari qanday rivojlanishidan qat’i nazar, biz O‘zbekistonni ittifoq a’zosi sifatida ko‘rishga umid qilamiz, va mamlakatlarimiz unga bunda yordam beradi”, - dedi Overchuk Gaydar forumidagi chiqishi davomida. Uning so‘zlaridan RIA Novosti iqtibos keltirgan.
Overchukning ta’kidlashicha, respublika bilan iqtisodiy tizimlarning yaqinlashishi har qanday holatda ro‘y beradi, chunki Rossiya hamisha O‘zbekiston uchun savdoning eng yirik bozori bo‘lib qoladi.
Uning so‘zlariga ko‘ra, ikki tomonlama o‘zaro tovar ayirboshlash pandemiyaga qaramasdan izchil o‘sib bormoqda. Rossiyada O‘zbekiston mahsulotlarini mahalliy bozorlarga chiqarish uchun qulay sharoitlar yaratilmoqda.
Eslatib o‘tamiz, 2020-yil 11-dekabr kuni O‘zbekiston Yevroosiyo iqtisodiy ittifoqi (YeOII)da kuzatuvchi maqomini oldi. Kuzatuvchi maqomi mamlakatga majlislarda ishtirok etish, millatlararo tartibga solishning integratsiyalashuv muammolarini muhokama qilish huquqini beradi. Kuzatuvchi mamlakatlar qaror qabul qilish huquqiga ega emasligiga qaramay, Yevrosiyo ittifoqi hamkor mamlakatlar uchun yangi imkoniyatlar ochmoqda.