TOShKENT, 10 dek — Sputnik. Turkiya SSV RIA Novostiga idora rahbari Faxrittin Kojaning mamlakat koronavirusga qarshi Rossiya vaksinasidan voz kechganligi xususidagi bayonotini rad etdi.
Kuni kecha “Habertürk” telekanali Koja so‘zlariga tayangan holda Anqara vaksinani sotib olmasligini xabar qilgan edi. Go‘yoki u tegishli laboratoriya amaliyotiga muvofiq kelmaydi.
“Ba’zan anglashilmovchiliklar ro‘y beradi. Rossiya vaksinasi yuzasidan vazirning so‘nggi bayonotini e’tiborga oling”, - dedi agentlik Turkiya SSV matbuot xizmatidagi suhbatdoshi.
Turkiya vazirining o‘zi ham xarid qilishdan voz kechilganini tasdiqlamadi.
“Rossiya vaksinasi borasida. Ma’lumki, u toksikologiyaga oid tegishli laboratoriya amaliyotidan o‘tishi lozim. Biz bu ishni mamlakatimizda boshlayapmiz. Hammasi muvaffaqiyatli o‘tsa, muammo bo‘lmasligini ayta olaman”, - dedi Koja.
So‘nggi ma’lumotlarga ko‘ra, Turkiyada 925 342 kishi yangi koronavirus bilan kasallangan. Shulardan 445 mingga yaqini tuzalib ketgan. 15 mingdan ziyod bemor virus qurboniga aylangan.