TOShKENT, 6 dek — Sputnik. AQSh prezidenti Donald Tramp agar demokratlar Senatda aksariyat o‘rinlarga ega chiqsa, mamlakatni kommunizm yo‘lidan olib borishga urinishadi degan fikrni bildirdi.
“Jorjiya saylovchilari farzandlarimiz sotsializm yoki ozod mamlakatda yashashlarini belgilab berishadi”, - dedi u Jorjiyada tarafdorlari oldida chiqish qilayotib.
“Bu insonlar kommunistik boshqaruv shakliga o‘tishni xohlashmoqda”, - deya qo‘shimcha qildi Tramp demokratlarni nazarda tutgan holda.
5 yanvar kuni Jorjiyada mamlamkat qonunchilik organining yuqori palatasiga ikkinchi bosqich saylovlari bo‘lib o‘tadi. Shtatda Senat ustidan nazorat respublikachilar yoki demokratlar qo‘liga o‘tishini hal qiluvchi ikkita mandat bor.