TOShKENT, 12 noya — Sputnik. Prezident qarori bilan Toshkent shahri tarkibida Yangihayot tumani hokimligi tashkil etildi.
Yangihayot tumaniga o‘tkazilgan hududda faoliyat yuritayotgan tadbirkorlarning pochta manzili ulardan ariza yoki ma’lumot talab qilmagan holda to‘g‘ridan-to‘g‘ri elektron tizim orqali bepul o‘zgartiriladi.
Yangihayot tumani Oliy Majlis Qonunchilik palatasi va Senatining 2020-yil sentabrdagi tegishli qarorlari asosida tashkil etilgan.
Eslatib o‘tamiz, prezident Shavkat Mirziyoyev Toshkentning Sergeli tumanida barpo etilgan yangi turar joy mavzesi hududida poytaxt hokimligiga to‘g‘ridan-to‘g‘ri bo‘ysunadigan alohida Yangihayot kichik tumanini tashkil etish taklifini bildirgan edi.