TOShKENT, 31 okt - Sputnik. O‘zbekiston Milliy palatasi va Italiyaning "Opera" kompaniyasi vakillarining onlayn uchrashuvi bo‘lib o‘tdi. Unla Namanganda Italiya texnologiyalariga asosan Endokrinologik markazni qurish loyihasi bo‘yicha hamkorlik imkoniyatlarini muhokama etildi. Bu haqda Innovatsion sog‘liqni saqlash Milliy palatasi matbuot xizmati.
"Opera"ning dastlabki hisobi bo‘yicha ushbu loyihaga jalb etilishi kerak bo‘lgan investitsiya taxminan 12 million yevroni tashkil etadi. Loyihadagi innovatsiyalarning biri — qayerda talab bo‘lsa, o‘sha yerda "talab bo‘yicha" endokrinologik tekshirish uchun harakatchan brigadalar shakllantirishdan iborat.
Uchrashuvda O‘zbekistonning Italiyadagi Elchisi Otabek Akbarov ishtirok etdi. Uning so‘zlariga ko‘ra, Elchixona Italiyaning "Opera" kompaniyasi bilan uchta yo‘nalish bo‘yicha, jumladan sog‘liqni saqlash tizimi bo‘yicha ham sal kam ikki yildirki, faol hamkorlik olib borilmoqda.
Milliy palata raisi Rovshan Izamov sog‘liqni saqlashning eng yaxshi xorijiy tajribasi va modelini olib kirish Milliy palataning vazifasi ekanligidan kelib chiqib, ushbu davlat tizimi "Opera" kompaniyasi bilan hamkorlikdan manfaatdor ekanligini ta’kidladi. Izamov shuningdek, Italiya tomonidan yangi istiqbolli loyihalarni tashabbus etilishiga ko‘maklashgani uchun O‘zbekistonning Rimdagi Elchixonasiga minnatdorchilik bildirdi.
"Opera" kompaniyasining rahbari Paolo De Anjelis "Pandemiya tibbiyotning qanday bo‘lishi kerakligi haqida fikrimizni butunlay o‘zgartirib yubordi. Bugungi bizning asosiy vazifamiz — bemorga harakatchan uskuna yordamida samarali yordam berish va nafaqat shifoxonada", — dedi.
Muzokaralar davomida zamonaviy operatsiya zallari, bemorlar va ular bilan birga bo‘ladigan barcha oila a’zolari uchun barcha sharoitlari mujassam bo‘lgan Bosh Endokrinologik markazini tashkil etish, ya’ni mehmonxona qurishni rejalashtirish kabi loyihaning bosqichlari muhokama etildi.