TOShKENT, 26 okt — Sputnik. Qirg‘izistonning sobiq prezidenti Almazbek Atambayev Milliy xavfsizlik davlat qo‘mitasining hibsxonasidan poytaxtdagi 1-tergov izolyatoriga ko‘chirilishi munosabati bilan ochlik e’lon qildi. Bu haqda uning advokati Sergey Slesarev RIA Novostiga ma’lum qildi.
"U SIZO-1ga o‘tkazildi. Shu munosabat bilan u ochlik e’lon qildi", - dedi advokat.
MXDQ SIZO - Qirg‘iziston maxsus xizmatlari binosidagi tergov izolyatori hisoblandi. Odatda korrupsiyada gumon qilgan yuqori lavozimli mansabdor shaxslar, jamoat va milliy xavfsizlikka tahdid soluvchi shaxslar, Davlat qo‘mitasi xodimlari tomonidan ushlangan - terrorchilar, ekstremistlar, chet ellik yollanma jinoyatchilar joylashtiriladi.
SIZO-1 - Bishkek markazidagi tergov hibsxonasi bo‘lib, u yerda poytaxt va Chuy viloyatida jinoyat sodir etganlikda gumon qilinayotgan shaxslar saqlanadi.
6 oktabrga o‘tar kechasi tartibsizliklar sharoitida sobiq prezident tarafdorlari tomonidan Milliy xavfsizlik idorasi qamoqxonasidan ozod qilingandi. Biroq, 10-oktabr kuni u yana maxsus xizmat xodimlari tomonidan qo‘lga olindi.