TOShKENT, 19 okt — Sputnik. Surxondaryo viloyati Angor tumanida sodir bo‘lgan ayanchli yo‘l-transport hodisasida bir oilaning to‘rt nafar a’zosi halok bo‘ldi. Bu haqda IIV YHXBB matbuot xizmati xabar qilmoqda.
Hodisa 18-oktabr kuni soat 23:00 da Angor tumani “Qorabog‘” mahallasi hududidan o‘tuvchi M-39 avtomobil yo‘lining 1433 kilometrida sodir bo‘lgan. 27 yoshli haydovchi I.I. “Nexia-3”ni “Samarqand-Termiz” yo‘nalishida boshqarib ketayotib, boshqaruvni yo‘qotgan. Natijada yo‘l bo‘ylab oqib o‘tuvchi kanalga tushib ketgan va avtomobilda yong‘in kelib chiqqan.
YTH oqibatida haydovchi, uning 27 yoshli turmush o‘rtog‘i F.A hamda voyaga yetmagan farzandlari S.O‘. va S.I. (2016 va 2017-yillarda tug‘ilgan) og‘ir tan jarohatlari olib, voqea joyida vafot etishgan.
Mazkur holat yuzasidan O‘zbekiston JKning 266-moddasi 3-qismi “a” bandi bilan jinoyat ishi qo‘zg‘atilgan.
Hozirda tergov harakatlari olib borilmoqda.