TOShKENT, 12 okt — Sputnik. O‘zbekiston harbiy-sanoat kompleksi korxonalari bazasida Mi-171 harbiy transport vertolotlari ta’mirlanadi.
"Mi-171 vertolotlarini ta’mirlash o‘zlashtirildi, 2020-yil ikkinchi choragida ushbu turdagi ikkita vertolot kapital ta’mirlandi va foydalanishga topshirildi", - deyilgan respublika Mudofaa sanoati davlat qo‘mitasining bayonotida.
Samolyotlarni ta’mirlash Chirchiq aviatsiya ta’mirlash zavodi (ChARMZ) bazasida o‘zlashtirilgan. Ayni paytda korxona navbatdagi ikkita Mi-171E vertolotini kapital ta’mirlamoqda.
2007 yilda ChARMZ bazasida "Uzrosavia" o‘zbek-rus qo‘shma korxonasi tashkil etildi. Kompaniya Mi vertolotlarini ta’mirlash va modernizatsiya qilish bilan shug‘ullanadi. Ushbu funksiya shuningdek, ehtiyot qismlar ishlab chiqarish va boshqa maxsus jihozlarni ta’mirlashni o‘z ichiga oladi.
Ta’sischilar - O‘zbekiston tomoni - ChARMZ va "O‘zspetsimpeks" DK, Rossiya tomoni - "Rosoboroneksport" davlat korporatsiyasi, OPK "Oboronprom" OAJ, shuningdek “Novosibirsk samolyotlarni ta’mirlash zavodi" OAJ.