TOShKENT, 24 sen - Sputnik. Koronavirus pandemiyasi dunyo xalqaro hamkorlik testidan o‘ta olmaganini ko‘rsatdi, deya bayonot qildi BMT Xavfsizlik kengashi yig‘ilishida tashkilot bosh kotibi Antoniu Guterresh.
"Pandemiya - bu xalqaro hamkorlikni sinovdan o‘tkazgan davr bo‘ldi, biz undan o‘ta olmadik", - dedi Guterresh.
BMT bosh kotibi so‘zlariga ko‘ra, kasallik dunyo bo‘ylab bir million inson hayotiga nuqta qo‘ygan, 30 milliondan ko‘p kishi infeksiyani yuqtirgan, va kasallikni hech kim nazorat qilolmagan. "Bu global tayyorgarlik, birdamlik va hamjihatlikning yo‘qligidan dalolat", - deb qo‘shimcha qilgan u.