TOShKENT, 21 sen — Sputnik. Rossiya Belarus, Qozog‘iston, Qirg‘iziston va Janubiy Koreya bilan muntazam aviaqatnovlarni tiklamoqda. Tegishli qarorga Rossiya bosh vaziri Mixail Mishustin imzo chekdi.
Yuqorida ko‘rsatilgan davlatlar fuqarolari Rossiyaga havo o‘tkazish punktlari orqali kirishlari mumkin, rossiyaliklar, o‘z navbatida, ushbu mamlakatlarga parvoz qilishlari mumkin.
Rossiya hukumati saytida yozilishicha, reyslar haftasiga bir marta amalga oshiriladi. Samolyotlar Nur-Sulton (Qozog‘iston), Bishkek (Qirg‘iziston), Minsk (Belarus) shaharlariga parvoz qiladi.
Janubiy Koreya bilan aviaqatnov esa 27-sentabrdan qayta tiklanadi.
Shuningdek, Rossiya xalqaro aviaqatnovlar tiklanishi munosabati bilan chet eldan fuqarolarini charter reyslarda olib kelish dasturini to‘xtatib qo‘yadi.
Eslatib o‘tamiz, avvalroq Rossiya Belarus, Qozog‘iston, Qirg‘iziston va Janubiy Koreya bilan muntazam aviaqatnovlarni tiklashga qaror qilgani haqida xabar qilingan edi.