TOShKENT, 15 sen — Sputnik. Moskva MDH mamlakatlari bilan bir oy mobaynida aviaqatnovlarni qayta tiklashi mumkin.
“Birinchi tartibli navbatda oktabr oyida MDH poytaxtlari bilan aviaqatnovlarni qayta tiklash mexanizmlari muhokama qilinmoqda. Gap Nur-Sulton, Toshkent, Boku, Yerevan va boshqalar haqida bormoqda”, - deyilgan xabarda.
Ta’kidlanishicha, birinchi bo‘lib Belarus poytaxti Minsk bilan parvozlar tiklanishi mumkin.
Parvozlar tiklanishi sanasi hozircha aniqlanmagan.
Avvalroq O‘zbekiston 11-sentabrdan Qozog‘iston, 14-sentabrdan Qirg‘iziston bilan aviaqatnovlarni rasman tiklagan edi.
Eslatib o‘tamiz, avvalroq sog‘liqni saqlash vazirining birinchi o‘rinbosari Bahodir Yusupaliyev O‘zbekiston va Rossiya o‘rtasida muntazam parvozlar sentabrda qayta tiklanishi mumkinligini ma’lum qilgan edi. Ammo buni aniq aytish mumkin emas, chunki barchasi respublikadagi epidemiologik vaziyatga bog‘liq.