TOShKENT, 23-iyul — Sputnik. Rossiya Federatsiyasi prezidenti Vladimir Putin bugun, 23-iyul kuni "Rossiya Federatsiyasining fuqaroligiga qabul qilish to‘g‘risida"gi farmonini imzoladi, deb xabar qildi huquqiy axborot rasmiy internet portali.
Unga ko‘ra, umumiy tartibda (yashash guvohnomasi (VNJ) asosida Rossiya hududida 5-yil yashagan) 57 nafar kishi Rossiya Federatsiyasi fuqaroligiga qabul qilindi.
Prezident farmoni bilan O‘zbekiston hududida tug‘ilgan 10 nafar kishiga Rossiya fuqaroligi berildi.
Shu bilan birga, Afg‘oniston, Ozarbayjon, Moldaviya, Armaniston, Belarus, Qozog‘iston, Tojikiston, Ukraina, Avstriya, Vyetnam va Chernogoriyada tug‘ilgan kishilar Rossiya fuqaroligiga qabul qilindi.