TOShKENT, 22-iyul - Sputnik. 2020-yilning 1-sentabridan boshlab Toshkentdan Rossiya Federatsiyasining turli shaharlariga doimiy aviareyslar tiklanadi. Bu haqda Rossiyaning "AeroTur" aviakompaniyasi ma’lum qildi, deya xabar beradi Tashqi migratsiya agentligi.
Xususan, Toshkent va Moskva, Sankt-Peterburg, Novosibirsk, Qozon, Vladivostok shaharlari o‘rtasida aviaparvozlar tiklanadi.
Hozirgi kunda aviakompaniya saytida 1-sentabrdan 30-sentabrgacha reyslar jadvali e’lon qilingan.
Eslatib o‘tamiz, ilgariroq, Rossiya MDH davlatlariga avia-parvozlarni boshqa davlatlarga ko‘ra oldinroq yo‘lga qo‘yishi mumkinligi haqida xabar bergan edik.
Rossiya COVID-19 pandemiyasi tufayli boshqa mamlakatlar bilan muntazam va charter parvozlarni 27-mart sanasidan vaqtinchalik to‘xtatgan edi.
O‘zbekiston Transport vazirligi O‘zbekiston fuqarolarini rasman tasdiqlanmagan xabarlarga ishonib aviachiptalarni sotib olmaslikka chaqirib keladi.