TOShKENT, 15-iyul - Sputnik. Eron koronavirusning may oyida boshlangan ikkinchi to‘lqinidan o‘tib keta oladi, dedi prezident Hasan Ruhoniy hukumat yig‘ilishida. RIA Novosti xabariga asosan.
Uning so‘zlariga ko‘ra, may oyining o‘rtalarida boshlangan ikkinchi to‘lqin mamlakatning janubiy viloyatlariga ta’sir qildi. Birinchi to‘lqin esa, mamlakatning shimoliy va markaziy qismlariga ta’sir qildi.
So‘nggi ma’lumotlarga ko‘ra, Eronda 262 mingdan ortiq koronavirusga chalinish holati qayd etilgan, 225 mingdan ortiq odam davo topgan va 13,2 ming kishi vafot etgan.
Avvalroq Sputnik radiosi Eron koronavirus qurbonlari soni bo‘yicha rekordni e’lon qilganini xabar qilgandi.