TOShKENT, 30-iyun — Sputnik. Rossiya prezidenti Vladimir Putin va Belarus prezidenti Aleksandr Lukashenko Tver viloyati Rjev shahrida sovet askari xotirasiga bag‘ishlangan yodgorlikni ochdilar.
Prezidentlar gul qo‘yish marosimida ishtirok etib, vafot etganlarning xotirasini bir daqiqalik sukut bilan yod etdilar.
"Rjev memoriali - umumiy xotiramizning yana bir ramzi, Yevropani va butun dunyoni natsizmdan qutqargan askar-qahramon, askar-xaloskor, g‘olib-askarning buyuk va fidokorona qahramonligiga ta’zim qilish ramzidir", - dedi Rossiya prezidenti.
Odamlar yodgorliklar yaratib, ularga kelgunlariga qadar, hech qachon urushning dahshatli voqealarini unutmaydilar, deya qayd etdi o‘z nutqida Lukashenko.
Shuningdek, Putin va Lukashenko "Xotira bog‘i" xalqaro aksiyasida ishtirok etishdi, Ulug‘ Vatan urushi paytida halok bo‘lganlar xotirasiga daraxt ekildi.