Koronavirusga chalingan Qozog‘iston SSV rahbari vazifasidan ozod qilindi

Qozog‘iston prezidenti mamlakat sog‘liqni saqlash vaziri Yeljan Birtanovni lavozimidan ozod qildi. Vazir 11 kun ilgari koronavirusga chalingan edi.
Sputnik

TOShKENT, 25-iyun — Sputnik. Qozog‘iston prezidentining farmoni bilan mamlakat sog‘liqni saqlash vaziri Yeljan Birtanov vazifasidan ozod qilindi. Bu haqda Oqo‘rda matbuot xizmati xabar qilmoqda.

Nursulton Nazarboyev koronavirus yuqtirib oldi

Ushbu lavozimga Aleksey Soy tayinlangan.

“Soy Aleksey Vladimirovich Qozog‘iston Respublikasi Sog‘liqni saqlash vaziri etib tayinlansin”, - deyilgan farmonda.

Eslatib o‘tamiz, avvalroq Qozog‘iston sog‘liqni saqlash vaziri Yeljan Biratnov koronavirus yuqtirib olgani va kasalxonaga yotqizilgani xabar qilingan edi.

So‘nggi ma’lumotlarga qaraganda, Qozog‘istonda 19 285 ta koronavirus holati aniqlangan. 12 048 kishi kasallikni yengishga muvaffaq bo‘lgan. 136 ta qurbon qayd etilgan.